6. Ham do Ipuji Uhurhon

do = g
1. Ham do ipuji uhurhon Jahowa Tuhankin
    Huambilankon do tongtong, ganup binaen-Mu in
2. Hubotoh Ham do bona ni na dear haganup
    Ibere Ham buei hunjin bannami haganup
3. Ai aha ma na dong hinan bannai na sombuh on:
    Ganup ibere Ham hinan, o Naibata tongon.
4. Ai Ham do na margogoh in, sitompa haganup:
    Ham do na pagoluhkon in, marmuduhon ganup.
5. Bai langit na marganjang in, na herbang songon kaen
    Marribu-ribu bintang in, tor ise ma mambaen?
6. Ai ise na malayak in, manonggor hita on:
    Na mangarbahi juma in, pagoluh haganup.
7. Gok omei ganup hobon in, humbani ise da?
    Ampa ganup panganon in, lang humbai Naibata?
8. O Naibata, Ham do bayak, sibere hanai on:
    Ai Ham do na tongtong layak, manumpak jolma on.
9. Ihata Ham pe hanai on, halani dousa in:
    Irik do holong-Mu tongtong, mangidah ganup in.
10. Ai anggo pusok uhurhin, halani dousangkin
      Urah do mulak uhur-Mu, manasap salahkin.
11. Ham do mangapoh haganup, na pusok uhur in
      Iapus Ham do haganup, iluh-iluh ni in.
12. Sai ihirahon Ham hape bani dunia on;
      Bai daging pakon tonduy pe, itongos Ham tongtong.
13. Ale tonduyhu hope da, sai ulang ho jornok;
      Hatundalanmu Naibata, sitompa haganup.
14. Seng ongga salah Naibata, bai ginomgom-Ni in
      Ibahen barang aha da, dear do ujung nin.
15. Paturut Naibata gelah patorsa langkahmin
      Ase tongtong sonang ho lah, timbul ‘pa tuahmin.

Johann Cruger, 1653; Nyanyian ini dapat dinyayikan dg lagu/melodi Hal. 343 atau Amazing Grace

<< 5. Hupuji Holong ni Atei-Mu                   7. Porini Dong Marribu Hali >>